藝人鍾嘉欣為了拍無綫新劇《兒科醫生》而專程由加拿大返港，已為兩子之母的她要和家人分隔兩地，當然十分掛住仔女，她昨日就上載了一對子女的照片上社交平台，兩姊弟笑得勁開心，囡囡Kelly扮成《魔雪奇緣》的Elsa，囝囝Jared則着上公仔衫扮Olaf，超級可愛。尤其囡囡，標緻可人，十足媽媽鍾嘉欣，難怪連圈中好友包括陳茵媺、王君韾、陳敏之、陳自瑤都紛紛留言：「哇，你個女好似你喎❤️」、「好靚仔好靚女，特別是Kelly 超似你」、「笑容好似媽咪」！
鍾嘉欣掛住仔女IG貼合照 囡囡被讚似媽咪
